Түркия жекшемби күнү Катардын борбору Дохада өткөн сүйлөшүүлөрдө Түркия жана Катар ортомчулук кылган Пакистан менен Ооганстандын ок атышууну токтотуу боюнча келишимин жылуу кабыл алды.
Түркиянын Тышкы иштер министрлиги тараткан билдирүүдө, Исламабад менен Кабулдун эки өлкө ортосундагы туруктуулук жана тынчтыкты чыңдоо үчүн механизмдерди түзүү чечими да мактоого алынган.
“Түркия эки боордош өлкөнүн жана аймактын ортосунда туруктуу тынчтык менен стабилдүүлүккө жетишүү аракеттерин колдоону улантат”, – деп айтылат министрликтин билдирүүсүндө.
Министрлик ошондой эле Катардын сүйлөшүүлөрдү өткөрүүдөгү жана ага көмөктөшүүдөгү ролун жогору баалады.
Буга чейин жекшемби күнү эртең менен Пакистан менен Ооганстан ок атышууну токтотуу боюнча дароо күчүнө кирген келишимге жетишкенин тастыкташкан.
Чек арадагы чыңалуу Пакистан жума күнү кечинде Ооганстандын Пактика провинциясына абадан соккуларын жасагандан кийин күчөгөн. Кабул бул чабуулда бир нече жай тургун каза болгонун билдирген. Ошол эле учурда эки тараптын өкүлдөрү Дохада сүйлөшүүлөрдү жүргүзүп жатышкан.
