Израилдин чабуулдарынан каза болгон газалык 50 палестиналыктын сөөгү жана дене мүчөлөрү, акыркы эки жумада талкаланган үйлөрдүн урандыларынын астынан чыгарылгандан кийин 20-августта жерге берилди.

Газа шаарындагы Эль-Шифа ооруканасынын алдында башталган сөөк коюу аземине саясатчылар жана уруу өкүлдөрү сыяктуу миңдеген адамдар катышты. Палестинанын желектерине оролгон сөөктөр Баптист мүрзөсүнө коюлду.