Оккупациядагы Батыш Шерианын Саир шаарчасында Израиль күчтөрүнүн көзөмөлүндө мыйзамсыз израилдик отурукташкандар палестиналык үй-бүлөнүн үйүн жана эки унаасын өрттөштү. Кол салууда аялдар жана кары-картаңдар менен бирге көп сандаган палестиналыктын жаракат алганы кабарланды. 2023-жылдын октябрынан бери Израилдин зомбулугу Батыш Шериада кескин күчөп, 1069дан ашуун палестиналык каза болду жана 10 миң 300дөн ашуун адам да жаракат алды. Жарандык коомдук уюмдар, мыйзамсыз отурукташкандар октябрь айында эле жүздөгөн кол салуу жасаганын билдиришти. Эл аралык адилет соту болсо Израилдин Батыш Шериа менен Чыгыш Кудсту жана анын бардык конуштарын басып алышы эл аралык укук боюнча мыйзамсыз экенин кайрадан тастыктады.