Президенти Режеп Таййип Эрдоган Анкаранын Ливандын коопсуздугун камсыз кылууга багытталган дипломатиялык аракеттерин улантарын билдирди. Ошондой эле өлкөдө тынчтыкты жана туруктуулукту бекемдөө максатында мүмкүн болгон бардык жардамды көрсөтүүгө даяр экенин айтты.
Берилген убадалар жума күнү Стамбулда президент Эрдоган менен Ливандын премьер-министри Наваф Саламдын жолугушуусунда айтылды. Эки лидер аймактык окуяларды карап чыгып, эки тараптуу мамилелердин келечегин талкуулашты.
Президент Эрдоган кабыл алууда Түркиянын бир тууган өлкө Ливан менен болгон карым - катнаштарына маани берерин жана дипломатиялык байланыштарды бекемдөөнүн пайдалуу болоруна ишенгенин белгиледи.
Эрдоган Түркиянын Ливандын коопсуздугун камсыз кылуу боюнча дипломатиялык демилгелери уланып жатканын жана Ливанда коопсуздукту, тынчтыкты жана туруктуулукту орнотуу үчүн гуманитардык жардам менен бирге бардык мүмкүн болгон колдоону көрсөтүүнү улантарын баса белгиледи.
Президент ошондой эле Ливан менен Сириянын ортосундагы жакшы коңшулук мамилелерди өнүктүрүү аймак үчүн пайдалуу болорун жана Түркия менен Ливандын ортосундагы эки тараптуу мамилелерди жакшыртуу үчүн бардык күч-аракетин жумшап жатканын билдирди.
