Мусулмандардын ыйык Разаман айынын башталышынан бери аймакта болгон алгачкы кышкы бороондо шейшемби күнү катуу жааган жамгыр жалпы Газада жер которгон палестиналыктарга таандык чатырларды суу басып, жетекчилер жана күбөлөр Израилдин баш калкалоочу жайларды камсыздоого карата чектөөлөрүнүн айынан ансыз да оор болгон гуманитардык кризисти тереңдеткенин айтышты.
Метеоролог Лайт Аль-Алами Facebook баракчасында дүйшөмбү күнү Газага жамгыр жана төмөн температураны алып келген аба ырайынын шейшемби күнү кечинде басаңдашы күтүлгөнүн билдирди.
Газанын Жарандык коргонуу кызматы түн ичинде нөшөрлөп жааган жамгырдан улам суу астында калган качкындар лагерлеринен көптөгөн жардам чакыруулары түшкөнүн билдирди.
Агенттиктин маалыматына караганда, куткаруучулар Газанын түштүгүндөгү Хан-Юнус шаарынын батышында жайгашкан Эл-Маваси аймагында чатырларын сел каптаган бир нече үй-бүлөнү куткарып калышты.
Күбөлөр «Анадолу» агенттигине берген маалыматында, жамгыр суусу Газа шаарынын батышындагы чатырларды да каптаганын, өзгөчө Эл-Рималь конушунда жана порттун тегерегинде суу ташкындары болгонун айтышты.
Социалдык тармактарда тараган видеолордо Эл -Рималда суу каптаган чатырлар орун алган, тургундардын дагы көп зыян тартышына жол бербөө үчүн чечимдер изделүүдө.
Декабрь айынан бери бир нече кышкы бороон он миңдеген чатырды суу астында калтырды же учурду. Буга чейин Израилдин кол салууларынан зыян тарткан имараттардын кулашына себеп болуп көптөгөн палестиналыктын өлүмүнө жана жаралануусуна жол ачты. Айрым палестиналыктар ашыкча сууктан улам көз жумган учурлар да катталды.
2025-жылдын 10-октябрында күчүнө кирген ок атышпоо келишимине карабастан, жашоо шарттары жакшырган жок. Израиль гуманитардык жардамдарды, анын ичинде чатырларды жана мобилдик үйлөрдү (вагондорду) жеткирүүгө, ошондой эле баш калкалоочу материалдардын киришине бөгөт коюуну улантууда.
Израиль 2023-жылдын октябрь айында Газага геносиддик согуш баштаган, согушта 72 000ден ашык палестиналык каза болуп, 171 000ден ашык адам жаракат алган жана жарандык инфраструктура кыйратылган.
