«ДТЭК» энергетикалык компаниясы Россиянын Украинанын түштүгүндөгү Кара деңиз жээгинде жайгашкан Одессадагы энергетикалык объектиге жасаган чабуулу материалдык зыянга алып келгенин билдирди.
«ДТЭК» тарабынан шейшемби күнү жасалган билдирүүдө: «Зыян өтө чоң. Жабдууларды кайра ишке киргизүү үчүн оңдоо иштери узак убакытты алат», — деп айтылат.
Облустук губернатор Олег Кипер буга чейин да аймактагы айрым конуштардын жарым-жартылай электр жарыгысыз калганын билдирген. Кипер Telegram баракчасындагы билдирүүсүндө: "Душман түн ичинде Одесса облусунун энергетикалык инфраструктурасына дагы бир жолу коркоктук менен кол салды", - деп жазган.
“Маанилүү инфраструктура объекттери генераторлор менен иштеп жатат, жана электр менен камсыздоону калыбына келтирүү иштери жүрүп жатат”, — деди Кипер.
Москва октябрь айынан бери Украинанын электр тармагына жана башка энергетикалык объекттерге соккуларын күчөтүп, натыйжада миллиондогон адамдар катуу суукта электр жарыгысыз жана жылуулуксуз калды.
Одесса шаары жана айланасындагы аймак бат - бат кол салуулардын бутасы болууда.
