VI Дүйнөлүк көчмөндөр оюндары 1-6-сентябрь күндөрү Ысык-Көлдүн жээгиндеги Чолпон-Ата шаарында жайгашкан "Көк бөрү" аренасы, "Газпром" спорт комплекси, "Евразия" мейманканасынын спорт аянтчасы жана Кырчын жайлоосунда өттү.

Ат оюндары, ат чабыш, улуттук күрөш, тогуз коргоол, чүкө оюну, ат үстүндө жаа атуу, бүркүт жана шумкар менен аңчылык кылуу, таяк тартыш жана кол күрөш сыяктуу 42 салттуу спорт түрү боюнча оюндарга 109 өлкөдөн 3000ге жакын спортчу катышты.

Расмий медалдык эсепте Кыргызстан жалпысынан 72 медаль, анын ичинде 30 алтын, 29 күмүш жана 13 коло медаль менен биринчи орунду ээледи.

Оюндарда Казакстан жалпысынан 64 медаль (29 алтын, 16 күмүш жана 19 коло) менен экинчи орунду, ал эми Орусия 34 медаль (7 алтын, 7 күмүш жана 20 коло) менен үчүнчү орунду ээледи.

Оюндарда жалпы 29 өлкөнүн спортчулары медаль утуп алышты.