ISNA маалымат агенттигинин маалыматы боюнча, Алиреза Арафи жекшемби күнү Жогорку Лидерлик Кеңешинин мүчөсү болуп дайындалды, ал Адистер Ассамблеясы Иранда жаңы лидерди шайлаганга чейин Жогорку лидер болуп иштейт.
Баш мыйзамды Коргоочулар Кеңешинин дин кызматкери Арафи президент Масуд Пезешкиан жана сот системасынын башчысы Голам Хүссейн Мухсени Эжеи менен бирге убактылуу Жогорку Лидерлик Кеңешинде иштейт.
Арафинин дайындалышы Жогорку Лидер Али Хаменеинин Израиль менен АКШнын чабуулдарында өлтүрүлүшүнөн кийин болду. Хаменеинин өлүмү Революциялык сакчыларынын өч алуу чакырыктарын жаратты.
Жекшемби күнү мамлекеттик телеканал 1989-жылдан бери кызматта келе жаткан 86 жаштагы Жогорку лидердин өлтүрүлүшүнөн кийин 40 күндүк аза күтүү жана жети күндүк мамлекеттик расмий эс алуу болоорун жарыялады.
Ошол эле учурда Ирандын Революциялык сакчылары Хаменеинин «өлтүрүүчүлөрү» жазаланаарын жарыялады.
Ирандын маалымат каражаттары Жогорку лидердин кызы, күйөө баласы жана небереси да АКШ менен Израилдин чабуулдарында каза болгонун билдиришти.
АКШнын президенти Дональд Трамп жана Израилдин канкор геноцидчиси Биньямин Нетаньяху ишемби күнү Хаменеинин каза болгонун билдиришти.
Иран лидерине жакын чөйрөсү менен жолугушуу учурундагы кол салуу
АКШнын эки булагынын жана бул маселе менен тааныш АКШнын расмий өкүлүнүн айтымында, Израиль менен АКШ ишемби күнкү кол салууну Хаменеинин жогорку жардамчылары менен өткөргөн жолугушуусуна дал келтирүү үчүн пландаштырышкан.
Израиль Хаменеинин Улуттук коопсуздук кеңешинин мурдагы катчысы Али Шамхани жана Революциялык сакчылардын командири Мухаммед Пакпур сыяктуу бир катар жогорку даражалуу чиновниктер менен кошо өлтүрүлгөнүн билдирди.
Ирандын эки булагы Рейтер агенттигине чабуулдар башталганга чейин Хаменеи Шамхани жана Жогорку Улуттук коопсуздук кеңешинин катчысы Али Ларижани менен коопсуз жерде жолукканын билдиришти.
