Орусиянын Коргоо министрлиги шейшемби күнү Ыраакы Чыгыштын Амур аймагында машыгуу учурунда орусиялык аскердик Ту-95 учагы кырсыкка учураганын, экипаждын алты мүчөсү каза болуп, бири жаракат алганын жарыялады.
ТАСС мамлекеттик маалымат агенттигинин кабарына караганда, министрлик учак эл жашабаган аймакта кулаганын жана ок-дары алып жүрбөгөнүн кабарлады.
Министрликтин билдирүүсүндө: "Баштапкы тыянактарга ылайык, экипаждын алты мүчөсү каза болуп, бир адам жаракат алды жана медициналык мекемеге эвакуацияланды", - деп айтылды.
Социалдык медиада бөлүшүлгөн, бирок аныктыгы тастыктала элек видеодо кырсык болгон жерден жалын жана түтүн көтөрүлүп, жарылуунун үндөрдүн угулуп жатканы көрсөтүлдү.
Советтик доордо иштелип чыккан Ту-95 - ядролук курал алып жүрүүгө жөндөмдүү стратегиялык бомбалоочу учак. Орусия ошондой эле Украинага каршы узак аралыкка атуучу круиздик ракеталык чабуулдарда Ту-95 учактарын колдонуп жатат.
