Улуттук ураган борборунун (NHC) маалыматына караганда, “Эрик” бороону Мексиканын түштүк Тынч океан жээгине коркунуч туудурган 4-категориядагы бороонго айланды.

Шамалдын ылдамдыгы саатына 195 километрге жеткен “Эрик” ураганы шаршемби күнү кечинде Пуэрто-Анжелден 90 чакырымдай (56 миль) алыстыкта ​​болуп, бейшемби күнү эртең менен Мексиканын Тынч океан жээгине жетиши күтүлүүдө.

Улуттук ураган борбору бороондун Оахака жана Герреро штаттарына 41 смге чейин жамгыр алып келиши мүмкүн экенин эскертип, капыстан суу ташкындары жана жер көчкүлөрү коркунучуна көңүлдөрдү бурду.

“Бул жаан-чачындар өзгөчө тик жерлерде өмүргө коркунуч туудурган суу ташкындарына жана жер көчкүлөрүнө алып келет” - деп билдирди борбор.

Мексикалык жетекчилер эки штатта 500дөн ашуун баш калкалоочу жайларды куруп, 18,000ден ашуун куткаруучуларды мобилизациялады.

Мексиканын президенти Клаудия Шейнбаум бороондун жолундагы тургундарды “расмий жаңылыктарга байкоо салып, үйдө калууга жана сыртка чыкпоого” чакырды.

Герреро штатынын губернатору Эвелин Сальгадо, жакындап келе жаткан бороондун алдында Акапулько жана жээкке жакын аймактардагы мектептерди жана транспортту токтотуу чечимин жарыялады.