Израиль Ливанга кол салууда "Хизбулланын" жогорку кызматкерин өлтүргөнүн билдирди
Израиль Ливандагы өлүмгө алып келүүчү аба соккулары учурунда, "аскердик күчтөрдү топтоого" жооптуу деп эсептелген "Хизбуланын" лидери Реда Хазайды өлтүргөнүн кабарлады.
Израиль армиясы шейшемби күнү Ливандын борбору Бейруттагы аба соккусунда "Хизбулланын" жогорку кызматкерин өлтүргөнүн маалымдады.
Аскердик билдирүүдө Реда Хазайдын дүйшөмбү күнү Бейрутка багытталган чабуулда өлтүрүлгөнү айтылды.
Аскер кызматкерлери Хазайдын "Хизбулланын" "аскердик күчтөрүн топтоого" жана Иран менен координациялоого жооптуу болгонун жана ошондой эле 2024-жылдагы Израиль-Ливан согушунан кийин топтун аскердик кубаттуулугун калыбына келтирүү милдетин алганын айтышты.
"Хизбулла" Израилдин дооматы боюнча азырынча комментарий бере элек.
Дүйшөмбү күнү Израилдин Бейруттун түштүк чет жакаларына жана Ливандын түштүгүнө багытталган бир катар аба соккуларында кеминде 52 адам каза болуп, 150дөн ашык адам жаракат алды.
Израиль аскерлери шейшемби күнү эртең менен өлкөнүн түштүгүнө кургактан чабуул баштаган.
Бул чыңалуу "Хизбулланын" Израилдин түндүгүндөгү аскердик бекетке жасаган чабуулунан кийин болду.
Топ бул кол салуунун Израилдин Ливанга карата уланып жаткан чабуулдарына жана АКШ менен Иранга каршы биргелешкен операциясына жооп кайтаруу болгонун билдирди.
Израиль 2024-жылдын ноябрында Хизбулла менен кол коюлган ок атышпоо келишимин бир нече жолу бузуп, дээрлик күн сайын жасалган кол салууларда жүздөгөн адамдардын өлүмүнө жана жаракат алуусуна алып келди.
Израиль Ливанга каршы чабуулун 2023-жылдын октябрында баштап, 2024-жылдын сентябрында аны толук масштабдуу согушка айландырып, 4000ден ашык адамдын өлүмүнө жана болжол менен 17 000 адамдын жаракат алышына себеп болду.