Түштүк Африканын мурдагы президенти Жейкоб Зуманын кызы Дудузиле Зума-Самбудла партиясынын билдирүүсүнө ылайык, Украинада Россиянын атынан согушуу үчүн 17 эркекти азгырды деген айыптоолордон улам парламенттен отставкага кетти.

Зума-Самбудла атасынын жетекчилигиндеги "Умхонто ве Сизве" (MK) оппозициялык партиясынын депутаты болгон. MK өкүлдөрү жума күнү анын өз каалоосу менен отставкага кеткенин жана Улуттук Парламенттен, ошондой эле башка бардык мамлекеттик кызматтардан дароо кеткенин билдиришти.

МК партиясынын улуттук уюштуруучусу Нати Нхлеко журналисттерре МКнын  эркектерди Россияга тартуу ишине тиешеси жок экенин жана Зума-Самбудланын кызматтан кеткени күнөөнү моюнга алууну билдирбестигин айтты; бирок МК бул эркектердин үй-бүлөлөрүнө колдоо көрсөтөрүн кошумчалады.

"Улуттук бийлик органдары жолдош Дудузиле Зума-Самбудланын отставкага кетүү чечимин кабыл алды жана бул жаш түштүк африкалыктардын үй-бүлөлөрүнө аман-эсен кайтып келүүсүн камсыз кылуу аракеттерин колдойт", - деди.

Зума-Самбудла маалымат жыйынына катышты, бирок сөз сүйлөгөн жок жана өгөй сиңдисинин айыптоолору боюнча коомчулук алдында жооп берген жок.

Түштүк Африка өкмөтү ушул айда жасаган билдирүүсүндө,  17 жарандын кирешелүү жумуш келишимдерине азгырылып, Украинанын Донбасс аймагына жалданма аскер катары согушууга жөнөтүлүп, ал жерде камалып калганын билдирди. Өкмөт аларды кайтарып келүү үчүн иштеп жатканын жана алардын ал жакка кантип барып калганын иликтеп жатканын белгиледи.

 Жекшемби күнү полиция өгөй сиңдисинин жана эки башка киши тууралуу териштирүнүн  ачылышы тууралуу расмий талабы боюнча Зума‑Самбудланы суракка алышарын билдирди.

Украинанын Тышкы иштер министрлиги ушул айда жасаган билдирүүсүндө, Африканын отузга жакын өлкөсүнөн 1400дөн ашуун жарандын Украинада орус күчтөрү менен бирге согушуп жатканын айтып, өлкөлөрдү өз жарандарын аскердик жалдоого алуу боюнча эскертүүгө чакырган.