Анадолу кабарчысы билдиргендей, Түштүк Ливандын Жеззин шаарына жакын жерде алардын бара жаткан унаасына Израилдин абадан чабуулу жасалып, үч журналист каза болду.
Каза болгондордун арасында «Аль-Манар» телеканалынын кабарчысы Али Шуайб, «Аль-Маядин» телеканалынын кабарчысы Фатима Фатуни жана оператор бар.
Израилдин аскерлери Али Шуайбдын өлүмүн моюнга алышты, бирок калган эки журналисттин өлүмү боюнча комментарий берүүдөн баш тартышты.
Мурда Ливандын Улуттук маалымат агенттиги (NNA) Жеззиндеги Аль-Барад жолунда унаага Израилдин абадан соккусу жасалганын кабарлаган, бирок андан ары маалымат берген эмес.
Маалымат агенттигинин маалыматы боюнча, ишемби күнү таң аткандан бери Израиль негизинен көпчүлүгү түштүктө болгон 42 шаарчаны, кыштакты жана аймактарды абадан жана артиллериялык аткылоо менен бутага алган.
Ливандын Саламаттыкты сактоо министрлигинин акыркы маалыматтарына ылайык, 2-мартта башталган Израилдин Ливанга жасаган чабуулдарынан кеминде 1142 адам каза болуп, 3315 адам жаракат алган.
