Европа Биримдиги Украинага 105 миллиард доллар насыя берүүнү бекитти
Брюссель тоңдурулган орус активдерине багыт алуу пландары ички келишпестиктерден улам токтотулгандан кийин, Европа Биримдигинин бюджети тарабынан колдоого алынган насыя боюнча макулдашты.
Европа Биримдигинин лидерлери Брюсселде түнү менен улантылган саммитте Украинанын алдыдагы бюджеттик тартыштыгын жабууга жардам берүү максатында 90 миллиард евролук (105 миллиард доллар) кредиттик пакет боюнча макулдашышты.
Лидерлер жума күнкү баа берүүсүндө тоңдурулган орус активдерин колдунуунун ордуна Биримдиктин жалпы бюджети менен камсыздалган эки жылдык кредит берүүнү туура көрүштү.
804
Бул чечим Украина үчүн маанилүү каржылык жардам катары каралууда, анткени АКШнын президенти Дональд Трамп дээрлик төрт жылга созулган согушту тез арада дипломатиялык жол менен чечүүгө чакырыктарды күчөтүп жатат.
Европа Кеңешинин төрагасы Антонио Коста бул пакет Киевге өзүн коргоо жана украин элин колдоо үчүн зарыл каражаттарды берерин айтты.
Украинанын президенти Владимир Зеленский дагы жума күнү бул чечимди кубаттап, келишимди Украинанын Россиянын уланып жаткан оккупациясына каршы туруктуулугун бекемдеген маанилүү кадам катары сыпаттады. Зеленский X социалдык медиа платформасындагы билдирүүсүндө бул колдоо чындап эле өлкөнүн каршылыгын күчөтөрүн айтып, узак мөөнөттүү каржылык кепилдиктерди берүү менен бирге орус активдерин тоңдуруунун маанилүү экенин баса белгиледи.
Тоңдурулган орус активдери боюнча пландар ишке ашкан жок
Бельгиянын премьер-министри Барт де Вевер токтотулган пландын өтө кооптуу жана коркунучтуу экенин ошондуктан баш тартуунун лидерлердин арасында жеңилдик жаратканын айтты. Германиянын канцлери Фридрих Мерц насыя келишими Россиянын президенти Владимир Путинге ачык билдирүү жөнөткөнүн билдирди.
Европа Комиссиясынын төрайымы Урсула фон дер Ляйен Украина насыяны Россиянын баскынчылыгынан келтирилген зыяндын ордун толтургандан кийин гана төлөй баштай турганын билдирди.
Европа Биримдигинин эсептөөлөрүнө ылайык, Украинанын кийинки эки жыл ичинде экономикасын сактап калуу үчүн дагы 135 миллиард евро керек. Каржылык кысымдын апрель айынан баштап күчөй турганы күтүлүүдө. Киев Россиянын активдерин түздөн-түз конфискациялоону талап кылса да ар кандай жолдор менен каржылоо кыска мөөнөттүү тынчсызданууларды азайтты.
«Ылдам кыймылдагыла»
Саммит АКШнын демилгеси менен согушту токтотуу аракеттери кайрадан жандана баштаган учурга туш келди. Зеленский Украина жана АКШ делегациялары дем алыш күндөрү АКШда жолугуп, келечектеги Россиянын кол салууларынын алдын алууга багытталган коопсуздук кепилдиктерин талкуулай турганын ырастады.
Трамп болсо Киевге дагы бир жолу ылдам кыймыл кылуу керектигин кайталап, бир келишимге карай убаытты өткөрбөстөн ылдагы карай жылуу керектигин айтты.