Президент Эрдоган шейшемби күнү Сауд Арабияга, ал эми шаршемби күнү Египетке барат.

Коммуникация башкармалыгынын башчысы Бурханеттин Дуран Эрдогандын Эр-Риядда Сауд Арабиянын мураскор ханзаадасы Мухаммед бин Салман менен жолугуп, Түркия менен Сауд Арабиянын ортосундагы тереңдеген кызматташтыкты, ошондой эле аймактык жана глобалдык маселелерди талкуулай турганын билдирди.

Дуран президенттин андан кийин шаршемби күнү Египеттин президенти Абдель Фаттах ас-Сисинин чакыруусу боюнча Каирге барып, Түркия-Египет жогорку деңгээлдеги стратегиялык кызматташтык кеңешинин экинчи жыйынына теңтөрагалык кылаарын маалымдады.

Ошондой эле Египетке сапарында Эрдоган менен Сисинин эки тараптуу маселелерди талкуулап, аймактык жана эл аралык окуялар, өзгөчө Палестина маселеси боюнча пикир алмашары күтүлүп жатканын айтты.

Дуран Эрдогандын Каирге сапарында Түркия-Египет бизнес форумуна да катышууну пландап жатканын кошумчалады.