Ливан жетекчилери менен маалымат каражаттары бейшемби күнү эртең менен Израилдин аба соккулары Ливанда кеминде 12 адамдын өмүрүн алып, өлкөнүн түштүгүндөгү жана түндүгүндөгү эки унааны жана турак жайларды бутага алганын билдиришти.
Саламаттыкты сактоо министрлиги Ливандын чыгышында Захле аймагындагы унаага жасалган Израилдин дрондук соккусунан эки адам каза болуп, эки кишинин жаракат алганын жарыялады.
Мамлекеттик NNA маалымат агенттигинин билдиришинче, Израилге таандык учкучсуз учуучу аппарат Ливандын түштүгүндөгү Тири районуна караштуу Калаила шаарчасынын жанындагы Тири-Накура жолунда бир унаага кол салып, үч адамдын өлүмүнө себеп болду.
Агенттик ошондой эле таңга маал Израилдин дагы бир аба соккусу түштүктөгү Набатия провинциясындагы Кфур шаарындагы бир үйдү бутага алганын билдирди. Бул чабуулда шаардын мэри жана аялы каза болду.
Агенттик куткаруу топтору урандылардын астынан сөөктөрдү алып чыгуу үчүн иштеп жатканын кошумчалады.
NNA Израилдин дагы бир чабуулунда Триполинин түндүгүндөгү Беддави качкындар лагеринде ХАМАСтын мүчөсү жана аялы каза болгонун билдирди. Үй-бүлөнүн бир кызы жаракат алып, ооруканага жеткирилген.
Агенттиктин маалыматы боюнча, аскердик учактар Ливандын түштүгүндөгү Маржаюн аймагындагы Кабрика шаарына абадан сокку уруп, бир адам, аялы жана уулу каза болгон.
Израилдин башка бир абадан чабуулунда Тирдеги Шабия шаарчасында бир үйдү аткылады бирок кза болгондор тууралуу кенен маалымат жок.
Ливандагы кырдаал дүйшөмбү күнү Хизбулланын Израилдин уланып жаткан аба соккуларына жана Ирандын диний лидери Али Хаменеинин өлүмүнө алып келген АКШ менен Израилдин чабуулу үчүн өч алуу максатында Израилдин түндүгүндөгү аскердик объектти ракета жана дрондор менен бутага алгандан кийин курчуду.
Израилдин аскерлери бир катар аба соккулары менен жооп кайтарып, кеминде 72 адам каза болуп, болжол менен 450 адам жаракат алган. Аскерлер ошондой эле Ливандын түштүгүнө кургактыктан операция баштады.
Израиль 2024-жылдын ноябрында Ливан менен кол коюлган ок атышпоо келишимин бир нече жолу бузуп, дээрлик күн сайын жасалган чабуулдарда жүздөгөн адамдардын өлүмүнө жана жаракат алуусуна алып келген.
Израиль Ливанга каршы чабуулун 2023-жылдын октябрында баштаган, 2024-жылдын сентябрында толук масштабдуу согушка айланып, 4000ден ашык адамдын өлүмүнө жана болжол менен 17 000 адамдын жаракат алышына себеп болгон.
