Пакистан кургактык күчтөрүнүн командири , маршал Асым Мунир май айында болгон кагылышууларда “ачык жеңилүүгө учурагандан” кийин Индияны Исламбадга карата душмандык аракеттерин күчөтүү менен айыптады.

Мунир Равалпиндидеги 271-корпустун командирлеринин конференциясында сөз сүйлөп : "Пакистанга каршы түз чабуулда ачык жеңилгенден кийин Индия эми Фитна аль-Хвараж жана Фитна аль-Хиндустан деп аталган ишенимдүү адамдары аркылуу өзүнүн караңгы программасын алдыга жылдырууга аракет кылууда",- деди.

Пакистан кургактык күчтөрүнүн командири, маршал Асым Мунирдин билдирүүлөрү 22 - апрелде Индия башкаруусундагы Кашмирде болгон жана 26 киши каза болгон кол салуудан кийин май айында эки өлкөнүн арасындагы кагылышууларга токтолу.

Сөз болгон кагылышуулардан кийин тараптардын арасында көптөгөн жумага созулган ракеталык атуулардын болгону билдирилди.

Мунирдин билдирүүлөрүнө Индиядан азырынча жооп келе элек.

Равалпинди шаарында өткөн 271-корпустун командирлеринин конференциясында Мунир жана жогорку мартабалуу командирлер өлкөнүн терроризмге каршы күрөшүү стратегиясын жана акыркы мезгилде жүргүзүлгөн операцияларды талкуулашты. Армия бул операциялардын "согушкерлерге каршы олуттуу ийгиликтерге" жетишкенин билдирди.

Командирлик өлкө боюнча террордук топторду жок кылуу үчүн "чечкиндүү жана комплекстүү кадамдардын" ташталарына басым жасады.

Маршал Мунир конференцияда өзгөчө Иран, Түркия, Азербайжан, Сауд Арабия, Бириккен Араб Эмирликтери жана АКШга жасаган акыркы сапарлары тууралуу командирлерге маалымат берди. Бул сапарлардын көпчүлүгүнүн премьер - министр Шахбаз Шариф менен биргеликте өткөнүн айтты.

Мунир жаңы коркунучтарга каршы күрөшүү үчүн улуттук биримдикти чыңдоого жана жергиликтүү мүмкүнчүлүктөрдү өнүктүрүүгө чакырды.