АКШ президенти Дональд Трамп Иранга чоң чабуул жасоо ыктмалдуулугун ачык калтырып, Ирандын Жакынкы Чыгышка "акыркы 50 жылда келтирген зыяны" үчүн компенсация төлөшү керектигин айтты.

АКШнын президенти Трамп Овал кабинетте өткөн пресс - жыйындан кийин Иран тууралуу акыркы күн тартибине баа берди.

Ирандын келишимге кол коюу үчүн согуш компенсациясын талап кылганын билдирген Трамп, тескерисинче, Тегеран өзү компенсация төлөшү керектигин ортого салды.

АКШ президенти: "Алар согуш компенсациясын талап кылышты, бул жакшы идея деп ойлойм, биз да алардын 50 жыл бою келтирген зыяны үчүн компенсация талап кылабыз", - деген баа берди.

Иранга карата кол салуу үчүн ачык эшик калтырды

АКШ президенти ошол эле басма сөз жыйынында, Иран менен макулдаша албаса, бул өлкөгө карата чоң сокку уруу мүмкүнчүлүктөрү бар экенин айтты.

Трамп: «Соңку билдирүүңүздө Иранга акыркы мүмкүнчүлүк берген элеңиз, азыр абал кандай? Азыр да ири чабуул жасоону пландап жатасызбы?»,- деген суроого: «Жакын арада көрөсүздөр. Эгер муну жасоону кааласак, ага мүмкүнчүлүгүбүз жетет. Жакында баарына күбө болосуздар», — деп жооп кайтарды.

Ирандын экономикалык жактан оор абалда экенин жана өз аскерлерине айлык да төлөй албай жатканын белгилеген Трамп, буга карабастан өлкө Ормуз кысыгында аскердик жактан дагы эле көйгөй жаратуу күчүнө ээ экендигин айтты.

«Ормуз кысыгы азыр ачык жана кысык толугу менен биздин флоттун көзөмөлүндө», — деген Трамп, кысыктан алардын уруксат берген танкерлер гана өтө аларын, башка кемелер болсо блокадага кабылып жатканын белгиледи.