АКШ Ормуз кысыгын ачуу темасында кайрадан эскертүү берди
АКШнын президенти Трамп эгер Ормуз кысыгы кайра ачылбаса, энергетика жана суу инфраструктурасына кол салабыз деп коркутуп, Иран менен сүйлөшүүлөрдө жылыш болгонун билдирди.
Президент Дональд Трамп АКШ Иран менен согушту токтотуу максатында "режим менен акылга сыярлык” сүйлөшүүлөрдү жүргүзүп жатканын айтты, бирок Тегеранга Ормуз кысыгын ачышы керектиги, болбосо мунай кудуктарына жана электр станцияларына багытталган АКШ кол салууларына туш болушу мүмкүн экендиги тууралуу эскертүүсүн кайталады.
"Чоң жылыштар болду бирок кандайдыр бир себептерден улам жакында келишимге жетишилбесе, балким жетишилет жана эгерде Ормуз кысыгы дароо "соодага ачык" болбосо, биз Ирандагы согушту" бардык электр станцияларын, мунай кудуктарын жана Харг аралын жардырып, толугу менен жок кылуу менен токтотобуз", - деп жазды Трамп дүйшөмбү күнү социалдык медиадагы билдирүүсүндө.
Трамп ошондой эле Иранды таза суу менен камсыз кылган тузсуздандыруу заводдоруна да кол салабыз коркутту.
АКШнын президенти өткөн аптада Ирандын энергетикалык жайларына кол салууну 10 күнгө токтото турганын, мунун 6-апрелге чейин созуларын айтты.
Трамп АКШ менен Ирандын ортосундагы сүйлөшүүлөрдө жылыштар болуп жатканын айтканы менен, ал аймакка көбүрөөк америкалык аскерлерди жөнөтүүнү улантты; бул абал Иран парламентинин спикеринин Вашингтонду ыктымалдуу сүйлөшүүлөр тууралуу билдирүүлөрдү жөнөтүп жатып ошол эле учурда кургактагы операцияны пландаштырууда деп айыпташына алып келди жана Тегерандын каршылыгын жаратты.
Иран лидерлери АКШ менен түз сүйлөшүүлөрдү жүргүзүп жатканын четке кагышты.