Дүйшөмбү күнү кечинде Түркиянын Баликесир провинциясында 6.1 баллдык жер титирөө катталды. Бул тууралуу өлкөнүн Өзгөчө кырдаалдар агенттиги маалымдады. Жер титирөөнүн толкундары Стамбул жана башка шаарларда да сезилди.
Жер титирөө жергиликтүү убакыт боюнча саат 22:48де (1948 GMT) болду. AFAD жер титирөөнүн тереңдиги 5.99 километр экенин жана айланадагы облустарда, өзгөчө Стамбулда сезилгенин билдирди.
Алгачкы маалыматтар боюнча жабыркагандар тууралуу кабар түшкөн жок.
Вице-президент Жевдет Йылмаз түрк социалдык медиа платформасы NSosyal аркылуу билдирүү жасап: "АФАД жана башка тиешелүү мекемелер жеринде иликтөө иштерин баштады, отчеттор кылдаттык менен каралууда", - деди.
