Украинанын президенти Владимир Зеленский New York Post гезитине берген маегинде президент Дональд Трамп менен Вашингтондун Украинадан согуш талаасында сыналган учкучсуз учуучу аппараттарды жана Киевдин да АКШдан курал-жарак сатып алуу боюнча келишими каралып жаткандыгын билдирди.
Зеленский Украинада жасалган учкучсуз учуучу аппараттардын Россиянын аймагында 1300 километр ичкеридеги буталарды ата аларын белгиледи.
"Америка элинин бул технологияга муктаждыгы бар жана ал сиздин инвентарыңызда болушу керек", - деди Зеленский шаршемби күнү The Post басылмасына берген маегинде.
Украин лидери учкучсуз учуучу аппараттарынын өлкөсүнүн үч жылдан ашык убакыттан бери Россиянын оккупациясына каршы турууга мүмкүндүк берген негизги курал болгонун айтты.
«Биз бул тажрыйбаны АКШ жана башка европалык өнөктөштөрүбүз менен бөлүшүүгө даярбыз», - деген Зеленский Дания, Норвегия жана Германия менен сүйлөшүүлөрдүн уланып жатканын кошумчалады.
Жаңы өкмөтүн тааныштыруу үчүн парламентте сөз сүйлөгөн Зеленский АКШ менен өлкөнү бекемдей турган келечектеги келишимдерди жарыялады, бирок кенен маалымат берген жок.
Ошол эле учурда, АКШнын келерки жылдагы коргонуу жана улуттук коопсуздук бюджет талабында чакан куралдуу учкучсуз учуучу аппараттар үчүн чыгымдарды жогорулатуу күтүлүүдө. Бул жогорулатууда Украинадагы согуш учурунда учкучсуз уучуучу аппараттардын арзан, бирок эффективдүү согуш куралы катары алдыга чыгышы таасирдүү болгону белгиленди.
