Ирандын расмий маалымат агенттиги IRNA кабарына караганда, Галибаф бул сөздөрдү парламенттин ачык жыйынында айтты. 

АКШнын маалымат каражаттарындагы билдирүүлөрүнүн тескерисинче алар Иранга ортомчулар аркылуу сунуштарды киргизишкенин айткан Галибаф "Бир тараптуу талап коюулардын доору бүткөнүн жана Ирандын 7 шарты аткарылмайынча Ормуз кысыгы ачылбай турганын билиши керек" деп кошумчалады. 

Галибаф АКШ Ирандын чечкиндүүлүгүн жакшы билгенин жана ички коомчулуктун пикирин калыптандыруу үчүн экономикалык кысым жана аскердик аракеттерден тышкары коркутуу риторикасын күчөтүп жатканын билдирди. 

Өз өлкөсү социалдык медиадагы коркутууларды камтыган билдирүүлөргө эмес, чындыктарга жараша саясат жүргүзүп жатканын айткан Галибаф АКШнын "карама-каршы" билдирүүлөрү Иран элинин акылын чаташтырууга багытталганын жактады. 

Иран делегациясы Бириккен Улуттар Уюмунун Башкы Ассамблеясынын алкагында АКШга болгон сапарында Катардын ортомчулугунда Ормуз кысыгын ачуу боюнча АКШга жети шарт койгон.

Бирок АКШнын президенти Дональд Трамп Ирандын шарттарын кабыл албагандарын жарыялаган.