Вьетнам өкмөтү жасалма интеллект жаатындагы адамдык ресурстарды чыңдоо максатында 2030-жылга чейин бул тармакта кеминде 10 миң квалификациялуу адисти даярдоону пландаштырып жатканын билдирди.
Vietnam News гезитинин маалыматына караганда, вице-премьер Ле Тиен Чау 2030-жылга чейин ишке ашырылуусу пландалган «Улуттук жасалма интеллект адистерин өнүктүрүү программасын» бекитти.
Жасалма интеллект жаатындагы адам ресурстарын жана санариптик трансформацияны чыңдоо үчүн башталган программа жасалма интеллект системаларын иштеп чыга турган жана башкара ала турган кеминде 10 000 изилдөөчүнү, инженерди жана адисти окутууну максат кылат.
Андан тышкары, айрым артыкчылыктуу тармактарда жасалма интеллектти колдоно ала турган бакалавр же андан жогорку даражадагы кеминде 50 000 адамды окутуу жана алардын учурдагы көндүмдөрүн өркүндөтүү пландаштырылууда.
