АКШнын президенти Дональд Трамп Нигерияда христиан дини коркунучка кабылып жатканын айтып, Батыш Африкадагы бул өлкөнү Мамлекеттик департаменттин көзөмөл тизмесине киргизгенин билдирди.

Трамп: “Нигерияда христиан дини чоң коркунучта турат. Миңдеген христиан өлтүрүлүүдө. Бул массалык кыргыдан радикал исламчылар жооптуу,” - деп жазды Truth Social платформасында.

Трамп АКШнын Африканын эң ири мунай өндүрүүчүсү жана калкы эң көп өлкөсү Ниерияны АКШнын “Диний эркиндикти бузган өлкөлөр” тизмесине киргизип жатканын айтты.

Мамлекеттик департаменттин веб-сайты бул тизмеге Кытай, Мьянма, Түндүк Корея жана Россия сыяктуу өлкөлөрдүн киргенин маалымдады.

Трамп АКШ Өкүлдөр палатасынын мүчөлөрү Райли Мур жана Том Коулга Өкүлдөр палатасынын Ассигнациялар комитетинен маселени карап чыгып, отчет берүүнү талап кылганын билдирди.