Түрк дипломатиялык булактарынан алынган маалыматка караганда Түркиянын тышкы иштер министри Хакан Фидан Россиянын борбор шаары Москвада Россиянын президенти Владимир Путин менен жолугушту.

Булктар жолугушуунун дүйшөмбү күнү жергиликтүү убакыт боюнча 19:30да башталып, бир саатка созулганын билдиришти.

Жолугушууда Украина менен Россиянын ортосундагы согушту токтотууга багытталган акыркы аракеттер менен 16-майда Стамбулда өткөрүлгөн тынчтык сүйлөшүүлөрүнөн кийинки абалдардын сүйлөшүлгөнү белгиленди.

Путин менен Фидан экономика жана энергетика тармагындагы эки тараптуу карым-катнаштарды да талкуулашты.

Хакан Фидан буга чейин да Киев менен сүйлөшүүлөрдө Москванын башкы сүйлөшүүчүсү Владимир Мединский менен жолугушкан.