Пакистан түн ичинде Ооганстанга абадан сокку урду.
Пакистандын Маалымат министрлигинин билдирүүсүндө "ишенимдүү чалгындоо маалыматтарына" таянып, Ооганстандагы "террористтердин лагерлерине жана жашынуучу жайларына" абадан сокку урулганы жарыяланды.
СУНУШТАЛАТ
Билдирүүдө чабуулдарда 22 "террорист" өлтүрүлгөнү жана "коопсуздук зыянын" алдын алуу үчүн зарыл чаралар көрүлгөнү айтылды.
Ооган өкмөтүнүн өкүлү Забихулла Муджахид болсо социалдык медиа аккаунтунда Пакистан эки провинцияга абадан сокку урганын билдирип, "чабуулдарда аялдар жана балдарды кошкондо 9 жайкын тургун каза болуп, 11 адам жаракат алганын" кошумчалады.
