Салтанаттуу аземге Түрк академиясынын президенти Шахин Мустафаев, TМУнун аксакалдар кеңешинин төрагасы Бинали Йылдырым, Түркия Республикасынын соода министринин орун басары Өзгүр Волкан Агар, ТҮРКСОЙдун башкы катчысы Султан Раев, TМУнун аксакалдар кеңешинин Венгриядагы өкүлү жана Венгрия парламентинин мүчөсү Аттила Тилки, Ататүрк маданият, тил жана тарых жогорку кеңешинин президенти Деря Өрс, Түркиянын ЮНЕСКО боюнча Улуттук комиссиясынын президенти Өкал Огуз, Түркия Илимдер академиясынын (TÜBA) президенти Музаффер Шекер, Түрк маданияты жана мурасы фондунун президенти Актоты Райымкулова, ТүркПАнын башкы катчысынын орун басары Сакы Садыков, TМУнун башкы катчысынын орун басары Мерей Мукажан, ошондой эле түрк мамлекеттеринин дипломатиялык миссияларынын өкүлдөрү жана академиялык коомчулуктун мүчөлөрү катышат.
Иш-чаранын алкагында Түрк академиясы тарабынан акыркы 15 жылда жарыяланган негизги илимий эмгектер жана монографиялар көрсөтүлөт. Конокторго Академиянын ишмердүүлүгүн жана жетишкендиктерин чагылдырган атайын фотокөргөзмө жана жарнамалык тасма тартууланат.
Андан тышкары, Түрк академиясы тарабынан даярдалган туруктуу өнүгүү, азык-түлүк коопсуздугу, суу ресурстарын натыйжалуу башкаруу жана түрк мамлекеттериндеги транспорт жана энергетикалык байланыш жаатындагы кызматташтык боюнча жылдык аналитикалык отчеттордун негизинде пленардык жыйын өткөрүлөт.
Сессия учурунда Академия тарабынан ишке ашырылган долбоорлордун негизги эксперттери өздөрүнүн изилдөө жыйынтыктары менен бөлүшүшөт. Сессия учурунда Академия тарабынан ишке ашырылган долбоорлордун негизги эксперттери өздөрүнүн изилдөө жыйынтыктары менен бөлүшүшөт.
