Кытай дүйшөмбү күнү үч жашка чейинки балдар үчүн жыл сайын 3600 юань (502 АКШ доллары) өлчөмүндө жөлөк пул төлөө саясатын ишке киргизди. Бул кадам азайып бараткан төрөт көрсөткүчүн жогорулатуу максатында жасалууда.
Бийлик өкүлдөрү жаштардын арасында балалуу болууну каалагандардын саны азайып, улгайган адамдардын санынын көбөйүшүнөн тынчсызданууда. Балдарды багуу жана билим берүү чыгымдарынын жогору болушу, жумушсуздук коркунучу жана жайлап бараткан экономика көптөгөн жаш кытайлыктарды үйлөнүүдөн жана үй-бүлө куруудан баш тартууга түрткөн негизги себептерден болуп саналат.
Жөлөк пулдар быйылкы жылдын башынан тартып артка кайтарылып төлөнөт жана 2025-жылга чейин төрөлгөн үч жашка чейинки балдар үчүн жарым-жартылай жөлөк пул каралган. Бул саясат 20 миллиондон ашуун бөбөктүү үй-бүлөлөргө пайда алып келери күтүлүп жатканын билдирди расмий Синьхуа агенттиги.
Улуттук саламаттыкты сактоо комиссиясы бул пландын "маанилүү улуттук жашоо-тиричилик саясаты" деп мүнөздөлүп, түз акчалай жөлөк пулдардын "үй-бүлөдө балалуу болуу жана тарбиялоо чыгымдарын азайтууга" жардам берерин билдирди.
2024-жылдын аягынан тарта Кытайда 60 жаштан жогорку курактагы адамдардын саны 310 миллионго жетти. Кытайдын жалпы калкынын саны болжол менен 1,41 миллиардды түзөт, бул сан Worldometer тарабынан Бириккен Улуттар Уюмунун акыркы маалыматтарына негизделип эсептелген.
Калктын азайышы
Кытай калкы 2024-жылы катары менен үчүнчү жолу азайып, эксперттер төрөт көрсөткүчтөрү 1980-жылдан 2015-жылга чейин жүргүзүлгөн бир бала саясаты жана ылдам урбанизациянын айынан төмөндөшү менен кризис ого бетер начарлай турганы боюнча эскертишүүдө.
Акыркы эки жылда өлкөнүн ар кайсы провинцияларында балдарды багуу үчүн жөлөк пулдар төлөнүп баштаган. Алардын өлчөмү 1000 юандан (139 АКШ доллары) 100000 юанга (13,931 АКШ доллары) чейин өзгөрүп, турак жай жөлөк пулдарын да камтууда.
Синьхуанын билдиргенине караганда Жаңы улуттук саясат жергиликтүү бийликтердин ордуна борбордук өкмөттүн каржылай тургандыгын билдирди.
Кытайда жүргүзүлгөн бир изилдөөгө караганда балдарды тарбиялоо чыгымдары киреше деңгээлине салыштырмалуу дүйнөдөгү эң жогорку көрсөткүчтөрдүн бири болуп саналат.
Жетекчилер 2024-жылы алдыдагы он жыл ичинде пенсия курагына жете турган 300 миллионго жакын адам (дээрлик АКШнын жалпы калкына барабар) түзө турган кыйынчылыктарды чечүү үчүн бир катар "төрөттү колдоочу" чараларды жарыялашты.
