Армениянын премьер-министри Никол Пашинян, өлкөсүндө жайгашкан орус аскердик базасынын коопсуздугу үчүн маанилүү эмес экендигин жана буга муктаж эмес экендерин белгиледи.

Никол Пашинян басма сөз жыйынында Армениянын Гүмрү шаарында жайгашкан 102-орус аскердик базасы тууралуу баа берди.

Аскердик база тууралуу талаш - тартышты өздөрү эмес Россиянын ачканын айткан Пашинян: "Аскердик база Армениянын коопсуздугу үчүн маанилүү эмес",- деди.

Ал база маселесин Армения эмес, Орусия көтөргөнүн айтып, "Аскердик база Армениянын коопсуздугу үчүн маанилүү эмес" деди.

Пашинян орусиялык аскердик базанын болушу Армениянын коопсуздугуна салым кошпой турганына көңүлдөрдү буруп: "Россия биздин досубуз. Бизге Россиянын аскердик базасынын кереги жок. Эгер чыгууну каалашса чыгып кете алышат, дароо эртең эле чыксын бирок эгер калгысы келсе, Армения үчүн керексиз базанын мындан ары бул жерде болуунун шарттарын сүйлөшүүгө даярбыз",- деди.

Армениянын Гүмрү шаарындагы 102-орус аскердик база Россиянын Түштүк Кавказдагы негизги аскердик активдеринин бири катары белгилүү.

База 1995-жылы кол коюлган келишимдин негизинде иш алып барууда. Базада кургактык аскерлеринин бөлүктөрү, ошондой эле абадан коргонуу элементтери жана согуштук учактар ​​ да бар.

Россиянын президенти Владимир Путин база тууралуу: "Эгерде Армения бул инфраструктуранын кереги жоктугуна чечим чыгара турган болсо биз эртең эле чыгып кетебиз, - деген.