SANA маалымат агенттигинин билдиришинче, Сирия президенти Ахмад аль-Шараа расмий жолугушуулар үчүн АКШга келди.
Агенттик маалымдагандай, ал-Шараа 6-ноябрда Бразилияда өткөн COP30 климат саммитине катышкан соң ишемби күнү АКШга барган.
Сирия президенти 10-ноябрда Доналд Трамп менен Ак үйдө жолугары күтүлүп жатат.
Бул сапар Вашингтон анын “террорчулук кара тизмесинен” чыгарылганынан бир күн өткөндөн кийин жасалып жатат; бул кадам кеңири күтүлгөн болчу.
АКШнын Мамлекеттик департаментинин өкүлү Томми Пиготт Шараа өкмөтү АКШнын талаптарын, анын ичинде жоголгон америкалыктарды издөө жана калган химиялык куралдарды жок кылууну аткарганын билдирди.
"Бул кадамдар Башар Асад кеткенден жана Асад режиминин тушундагы 50 жылдан ашык репрессиядан кийин Сирия өкмөтү жетишкен ийгиликтерди таануу катары жасалууда", - деди ал.
