Грецияда бир жуманын ичинде Батыш Нил вирусунун 45 жаңы учуру аныкталганы кабарланды.
Грециянын Улуттук коомдук саламаттыкты сактоо уюмунун (EODY) маалыматы боюнча, 5-12-август аралыгында өлкөдө Батыш Нил вирусунун 45 жаңы учуру аныкталды.
Ушундайча жыл башынан бери аныкталган учурлардын жалпы саны 110го жетти.
Ошондой эле жыл башынан бери өлкөдө Батыш Нил вирусунан каза болгондордун саны 9 экени айтылды.
Батыш Нил вирусунун эң көп учурлары катталган аймак - борбор шаар Афина жана анын тегерегиндеги аймактарды камтыган Аттика.
