Алжирдин Тышкы иштер министрлигинин билдирүүсү өлкөнүн расмий маалымат агенттиги APS тарабынан жарыяланды.
Бул эки өлкөнүн ортосундагы карым - катнаштарды сактап калуу үчүн бардык аракеттер көрүлгөндөн кийин, БАЭ менен дипломатиялык карым - катнаштардын бүгүндөн тарта үзүлгөндүгү айтылган билдирүүдө төмөнкү сөздөр орун алды: “БАЭнин күчөп бараткан провокациялык жана душмандык аракеттерине карабастан Алжир чоң сабырдуулук жана жогорку жоопкерчилик сезими менен кыймыл кылды. Мамлекеттер аралык карым - катнаштарды жөнгө салуучу принциптерге толук урмат-сый менен БАЭ тарабынын көңүлүн буруу жана бул адилетсиз жасалган мамиле жаратышы мүмкүн болгон олуттуу кесепеттери жөнүндө эскертүү үчүн бардык аракеттер жасалды”.
Көптөгөн эскертүүлөргө карабастан, БАЭ бул аракеттерин өжөрлүк менен улантып жатканы белгиленген билдирүүдө, аталган аракеттер «эки эгемендүү мамлекеттин ортосундагы карым - катнаштардын алкагында мындан ары кабыл алууга, чыдоого же жоопсуз калтырууга мүмкүн болгон чектен ашканы» белгиленди.
Билдирүүдө эки тараптуу карым - катнаштарды сактоонун бардык жолдору түгөнгөнү жана Алжир өкмөтүнүн БАЭ менен дипломатиялык байланыштарды үзүү чечимин кабыл алганы айтылды.
Бул чечимдин расмий түрдө билдирилиши үчүн БАЭнин Алжир элчисинин бүгүн тышкы иштер министрлигине чакырылганы билдирилген маалыматта элчиге чечимге баш ийиши жана өлкөдөн чыгып кетиши үчүн 48 саат убакыт берилгени маалымдалды.
Алжир 2026 - жылы февраль айында БАЭ менен 2013 - жылы кол койгон аба кызматтары келишимин жоюу үчүн расмий процедураларды баштаганын жарыялаган.
БАЭ Алжирдин чечими боюнча комментарий берген жок.
2025-жылдын октябрь айында Алжирдин президенти Абдүлмежид Теббун өз өлкөсүнүн Перс булуңундагы бир мамлекеттен башкасынын баары менен мамилеси жылуу экенин билдирген. Бул билдирүү БАЭге кыйыр шилтеме катары чечмеленген.
