Адистердин тропикалык бороон “Фенгшендин” жээкте суу ташкынына себеп болору боюнча эскертүүсүнөн кийин Филиппинде миңдеген киши ишемби күнү Тынч океандын жээгиндеги үйлөрүн таштап кетишти.

Өкмөттүк аба ырайы агенттигинин маалыматы боюнча, бороон ишемби күнү кечинде 270 000 калктуу жакыр арал болгон Катандуанеске барышы күтүлүүдө.

Адистердин айтымында бороон жекшемби күнү эрте менен Лузон аралына да барат.

Фенгшендин катуу жамгыр жаадырышы жана толкундардын жээкке урулуп, 1-2 метрге чейин көтөрүлүшү менен "минималдуудан орточо деңгээлге чейин" суу ташкыны коркунучун жаратышы күтүлүүдө.

Жергиликтүү кырсыктар боюнча органдардын билдирүүсүнө ылайык, чыгыштагы Албай провинциясынан 17 000ге жакын жана коңшу Катадуанес аралынан 9 000ден ашуун адам коопсуз аймактарга көчүрүлдү.

Куткаруу кызматкери Герри Рубио AFPге берген маегинде, Катандуанес провинциясынын администрациясы жергиликтүү бийликтерге жээк аймактары, ойдуң жерлер жана жер көчкү коркунучу бар кэңиштер сыяктуу "жогорку тобокелдик аймактары" үчүн эвакуация пландарын "ишке киргизүүгө" буйрук бергенин билдирди.

Жыл сайын болжол менен 20 бороон-чапкын жана тайфун болгон Филиппин миллиондогон адам жакырчылыкта жашаган аймак.

Окумуштуулардын айтымында, бороон-чапкындар климаттын өзгөрүшүнөн улам күчөп баратат.

Филиппиндер акыркы үч аптада кеминде 87 адамдын өмүрүн алган бир катар катуу жер титирөөнүн кесепеттерин дагы деле сезип жатат.