Түркиянын дипломатиялык булактарынын маалыматы боюнча, Фидан менен Гутерриш БУУнун башкы катчысынын Сирияга жана Кипр аралына боло турган сапарларынын алкагында аймактык окуяларды талкуулашты.
БУУнун башкы катчысы Антонио Гутерриш жекшемби күнү Сириядагы Израилдин укук бузуулары боюнча кеңири отчет Коопсуздук Кеңешине ушул айдын аягында бериле турганын билдирди.
БУУ бейшемби күнү Башкы катчы Антонио Гутерриш тынчтык процессин алдыга жылдыруу үчүн Кипрге бараарын жарыялады.
БУУнун басма сөз катчысы Стефан Дужаррик басма сөз жыйынында: "Башкы катчы өзүнүн жакшы кызматтар миссиясынын алкагында жана Кипр маселесине болгон бекем берилгендигинин далили катары 27-29-июлда Кипрге барат", - деп билдирди.
Дужаррик Гутерриш Түндүк Кипр Түрк Республикасынын (ТКТР) президенти Туфан Эрхүрман жана Түштүк Кипр Рум башкаруучулугунун лидери Никос Христодулидес менен жолугушаарын айтып, Башкы катчы тынчтык процессин алдыга жылдыруу боюнча аракеттер, анын ичинде UNFICYPтин жергиликтүү иши жана аралдагы туруктуулукту колдоо боюнча демилгелерди талкуулоо үчүн башка кызыкдар тараптар менен да жолугушаарын кошумчалады.
