Сириянын маалымат каражаттарынын билдиргенине караганда, Израилдин согуштук учактары Сириянын түштүгүндөгү Сүвейда шаарына жаңыдан абадан сокку урду.
Мамлекеттик SANA маалымат агенттиги бейшембиге караган түнү болгон чабуулдун шаардын чет жакасын бутага алганын кабарлады, бирок жабыркагандар же кыйроолор тууралуу кеңири маалымат берген жок.
Бул жаңы чабуул Сириянын Ички иштер министрлигинин шаарда ок атышпоо боюнча жаңы келишимди ырастагандан бир күндөн кийин ишке ашты. Келишим түштүк облусун борбордук бийликке кайрадан интеграцияланышын камтууда.
Израиль друз коомчулугун коргоо шылтоосу менен биринчи кезекте Дамасктагы Сүвейда жана Дараа сыяктуу аймактарды бутага алууда.
АКШ чабуулдарды колдобой турганын билдирди
АКШ бейшемби күнкү билдирүүсүндө өнөктөшү Израилдин Сириядагы чабуулдарына каршы экенин билдирди. Бул билдирүү Вашингтон менен Анкаранын зомбулукту токтотуу боюнча келишим түзүүгө жардам берген күндүн эртеси жасалды.
АКШнын мамлекеттик департаменттин катчысы Тэмми Брюс журналисттерге жасаган билдирүүсүндө : “АКШ Израилдин акыркы чабуулдарын колдогон жок. Биз учурдагы кризисти чечүү жана эки эгемендүү мамлекеттин ортосунда туруктуу келишимге жетишүү үчүн Израиль жана Сирия менен жогорку деңгээлде дипломатиялык байланыштабыз", - деди.
Брюс АКШнын бул абалдан улам Израилге нааразычылыгын билдиреби же келечектеги чабуулдарга каршы чыгабы деген суроого комментарий берүүдөн баш тартты.
Мамлекеттик катчы Марко Рубио Израилдин Дамасктагы Коргоо министрлигин бутага алган кол салууларына байланыштуу суроо тууралуу тынчсыздануусун билдирди.
Рубио андан кийин Израилдин кол салууларына түздөн-түз токтолбогон бирок зомбулукка байланыштуу тынчсыздануусун билдирген билдирүү жасады.
Израиль кагылышуулардан кийин друз коомчулугунун атынан кийлигишкенин билдирди.
Израилб Башар Асад режими кулатылгандан бери Сирияны бир нече жолу бутага алды.
АКШнын президенти Дональд Трамп бейшемби күнү Израилдин премьер-министри Биньямин Нетаньяху менен телефон аркылуу сүйлөшүп, Түркия жана Сауд Арабиясы менен бирге Сириянын жаңы лидери Ахмед аш-Шара менен жакшы мамиле түзүүнү максат кылганын билдирди.
