Financial Times бейшемби күнү Ирандын тышкы иштер министринин сөзүнө шилтеме берип АКШнын өткөн айдагы согуш учурунда Иранга келтирилген чыгымдарды төлөп берүүнү кабыл алышы керектигин билдирди.

Тегеранда Financial Times гезитине маек берген Аббас Арагчи : “Сүйлөшүүлөрдүн ортосунда эмне себептен бизге кол салгандарын билдирүүлөрү керек жана келечектеги сүйлөшүүлөр учурунда мунун кайталанбашынын кепилдигин берүүлөрү керек. Келтирген зыяндын ордун толтуруулары керек”,- деди.

Кабарда Аракчи менен АКШнын атайын өкүлү Стив Виткоффтун согуш учурунда жана андан кийин бири-бирине билдирүүлөрдү жөнөтүшкөнү белгиленди. Ирандык жетекчи америкалык кесиптешине Ирандын өзөктүк программасы боюнча көптөн бери чечилбей келе жаткан туңгуюкту токтотуу үчүн эки тараптын пайдасына чечилиши керектигин баса белгилеген.

FT агенттигинин маалыматына караганда, Ирандын өзөктүк программасы боюнча башкы сүйлөшүүчүсү бул каржылык компенсацияны жана сүйлөшүүлөр учурунда Иранга дагы бир жолу кол салууга жол бербөөнү камсыздоону камтышы керектигин айтты, бирок кошумча маалымат берген жок.

Өткөн айда АКШ Ирандын ядролук объектилерине сокку урган. Вашингтон бул объектилердин ядролук куралдарды иштеп чыгууга багытталган программага тиешелүү экендигин билдирген.

Тегеран болсо өзүнүн ядролук программасынын тынчтык максатына багытталганын жана куралдарды иштеп чыкпаганын билдирүүдө.

Ак үй жана АКШнын Мамлекеттик департаменти Reuters агенттигинин бул тууралуу комментарий берүү суранычын жоопсуз калтырды.