Түркиянын Тышкы иштер министрлигинин басма сөз катчысы Өнжү Кечели социалдык медиа баракчасында Сребреница геноцидинин негизги күнөөкөрлөрүнүн бири болгон "Босниянын касапчысы" каймана аттуу Ратко Младичтин сөөк коюу зыйнаты тууралуу билдирүү жасады.
Кечели билдирүүсүндө: "Эл аралык соттор тарабынан геноцид, адамзатка каршы кылмыштар жана согуш кылмыштары үчүн соттолгон Ратко Младичтин сөөк коюу зыйнаты жасалган оор кылмыштарды жана адамзат кайгысын четке кагуу болуп саналат, бул кабыл алынгыс", - деди.
“Тынчтык жана макулдашуу багытында жүргүзүлгөн аракеттерге зыян келтирет”
Сөз болуп жаткан сот чечимдеринин четке кагылышы же соттолгон кылмышкерлерди баатырга айлантууга болгон аракеттер жабырлануучулардын жана алардын жакындарынын кайгысын тереңдетээрин белгилеген Кечели мунун аймактагы тынчтык жана ынтымакка багытталган көп жылдык чечкиндүүлүк менен жүргүзүлгөн аракеттерге зыян келтирээрин баса белгиледи.
Кечели Балкандардын муктаждыгы — өткөндөн керектүү сабактарды алып, тынч, өсүп-өнүккөн жана биргелешкен орток келечекти бирге куруу экендигин билдирип, эң оболу Сребреница геноцидинин курмандыктары баш болуп, Босния согушунда каза болгон бардык күнөөсүз адамдарды урматтоо менен эскерерин жана жакындарынын кайгысын тең бөлүшөрүн белгиледи.
