Газа тилкесинин түштүгүндөгү Хан Юнус шаарында жер которгон палестиналыктар жашаган чатырларга Израиль армиясынын кол салуусунан бири бала үч адам каза болуп, дагы көптөгөн адамдар жаракат алышты.
Жергиликтүү булактардын маалыматына караганда, Израиль армиясы Хан Юнустун түштүгүндөгү жер которгон палестиналыктар жашаган чатырларды бутага алды.
Чабуулда үч адам анын ичинде бир бала каза болуп, көп сандаган адамдар жаракат алышты.
Израиль армиясы ошондой эле Газа тилкесинин ар кайсы аймактарында артиллериялык ок чыгарды жана аскердик унаалар менен алдыга жылып чабуулдарын улантышты.
Газа шаарынын чыгышындагы жер которгон палестиналыктар жашаган чатырларга Израилдин аскердик дрондорунан өрттөөчү бомбалар да ташталды.
Туффа конушунда Израиль армиясы жардыргыч заттар жүктөлгөн аскердик унааны алыстан башкарылуучу түзүлүштү колдонуп жардырды.
2025-жылдын 10-октябрында Газа тилкесинде күчүнө кирген ок атышпоого карабастан, Израиль армиясы дээрлик күн сайын аймакка кол салууларды жасап келет.
