Президент Режеп Таййип Эрдоган Азербайжандын президенти Илхам Алиев менен телефон аркылуу сүйлөшүп, Түркия менен Азербайжан бир туугандык байланыштарына таянып, кызматташтыгын мындан ары да өнүктүрөрүн билдирди.
Шаршемби күнү Президенттиктин коммуникация башкармалыгы берген билдирүүгө ылайык, эки лидер эки тараптуу карым-катнаштарды, ошондой эле аймактык жана глобалдык окуяларды талкуулашты.
Эрдоган Алиевди Азербайжандын эгемендүүлүгүн кайра калыбына келтиришинин 35 жылдыгы менен куттуктады.
Президент Эрдоган ошондой эле Алиевди Анкарада өтө турган Түрк Мамлекеттер Уюмунун 13-саммитине чакырды.
Көз карандысыздыкты калыбына келтирүү күнү
Азербайжан 1991-жылы Мамлекеттик көз карандысыздык жөнүндө Конституциялык мыйзамы кабыл алынган 18-октябрды Көз карандысыздыктын кайра калыбына келтирилген күнү катары белгилейт.
Аталган мыйзам менен Азербайжан 1918–1920-жылдар ортосунда өкүм сүргөн Азербайжан Демократиялык Республикасынын улантуучусу катары өз көз карандысыздыгын жарыялаган.
Түркия 1991-жылдын 9-ноябрында Азербайжандын көз карандысыздыгын биринчи болуп тааныган мамлекет болгон.
Эки өлкө 2021-жылдын июнь айында кол коюлган Шуша декларациясы аркылуу карым-катнаштарын союздаштык деңгээлине көтөрүшкөн.
