Перуда бир сот мурдагы мамлекет башчысы Олланта Хумала жана жубайы Надин Эредия арам акча адалдаганы үчүн 15 жылга эркинен ажыратты. Бул чечим жергиликтүү медиа тарабынан шейшемби күнү билдирилди.
Улуттук жогорку мартабалуу соттор Хумала жана Эредиянын бразииялык курулуш компаниясы Одебрехт жана Венесуэла өкмөтүнөн 2006 – 2011 – жылдардагы үгүт иштерин каржылоо үчүн 3 миллион долларлык мыйзамсыз багыш алгандыгын аныктады.
Эредия эки шайлоодо тең Хумаланын кампаниясын башкарган.
Сот Найко Коронадо мыйзамсыз булактардан алынган акчанын адалданышына карата түрдүү аракеттердин далилденгендигин белгилеп жуптун дароо камалуусуна буйрук берди.
Чечимден кийин Эредия Лимадагы Бразилия элчилигинен саясий башпаанек талап кылды. Перунун тышкы иштер министрлиги 1954 - жылдагы Дипломатиялык башпаанек боюнча конвенцияга ылайык расмий түрдө берилгендигин ырастады.
Эредиянын бир тууганы Илан Эредия да ошол эле доодо 12 жылга эркинен ажыратылды.
Жетекчилер Хумаланын жазасын Лимадагы Барбадильо түрмөсүндө тартарын ырастады. Бул түрмөдө мурдагы бир канча мамлекет башчылары да бар.
Одобрехт коррупция чыр - чатагынын негизинде 20 жыл эркинен ажыратылган Олланта Хумала акыркы 20 жылда ушул себептен түрмөгө отурган Перунун мурдагы үчүнчү президенти болду. Ушул эле иш боюнча мурдагы мамлекет башчы Алехандро Толедо азыр да жазасын тартууда ал эми Альберто Фухимори болсо бир нече жолу соттолуу менен азыр да абакта.
Хумала менен Эредия тууралуу териштирүү Одебрехттин Латын Америкада кеңири жайылган паракорчулугун коомчулукта моюнга алуусунан бир жыл мурда 2015 - жылы башталган.
