Ирандын расмий IRNA маалымат агенттигинин кабарына караганда, Пезешкиан бул сөздөрдү Чыгыш Азербайжан провинциясынын пландоо жана өнүктүрүү кеңешинин онлайн жыйынында айтып, өлкөнүн экономикалык жана социалдык абалына сереп салды.
Пезешкиан 1979-жылдагы революциянын алгачкы жылдарында Иранда экономикалык жана социалдык көйгөйлөр мечиттердин айланасында чечилгенине көңүл буруп, ошол күндөрүндөгүдөй эле коңшулаш аймактардагы адамдар бири-биринин экономикалык жана социалдык абалынан кабарсыз болбошу керектигин билдирди.
"Революциядан берки 48 жылда өлкө эч качан мындай катуу кысымга жана кыйынчылыктарга туш болгон эмес", - деген Пезешкиан, "душмандар" Ирандын мурдагы лидери Али Хаменеи менен айрым командирлерди жана чиновниктерди бутага алуу менен туруксуздукту жараткысы келгенин баса белгиледи.
Пезешкиан өлкөдө туруксуздук жок экенин, тескерисинче биримдик жана тилектештик күчөгөнүн айтты.
