АКШнын президенти Дональд Трамп Сауд Арабиясынын «НАТОго мүчө эмес негизги өнөктөш» катары белгиленерин айтты.

Трамп шейшемби күнү кечинде Сауд Арабиясынын мураскор-принци менен болгон кечки тамакта: “Сауд Арабиясын расмий түрдө НАТОго мүчө эмес негизги өнөктөш катары белгилеп, аскердик кызмматташуубузду дагы да арттырып жатабыз. Бул алар үчүн абдан маанилүү тема”,- деди.

Бул тандап алуу эки өлкөнүн ортосундагы стратегиялык коргонуу боюнча келишимге кол коюлушунан кийин болуп жатат; Сауд Арабиясынын маалымат каражаттары муну узак мөөнөттүү коргонуу кызматташтыгын бекемдеген маанилүү кадам деп мүнөздөп, аймактагы тынчтыкты, коопсуздукту жана өнүгүүнү колдоого өнөктөштөрдүн жалпы милдеттенмесин чагылдырат.

Ак үйдүн маалыматына караганда, мураскор-принцтин Вашингтонго болгон сапары учурунда АКШ менен Сауд Арабиясы жарандык атомдук энергия жана коргонуу тармагында дагы келишимдерге кол коюшту.

АКШ администрациясы эки тарап жарандык атомдук энергия боюнча «биргелешкен декларацияны» бекиткенин билдирип, ал келечектеги он жылдарда миллиарддаган долларга бааланган кызматташтык үчүн укуктук негиз түзөрүн айтышты.

Ак үй бул иштер ядролук куралдардын жайылышын алдын алуу эрежелерине ылайык жүргүзүлөрүн маалымдады.

Трамп ошондой эле F-35 согуштук учактарын камтыган курал-жарак келишимин бекиткен.