Нью-Жерси штатында сел эки адамдын өмүрүн алды. Катуу бороон-чапкындан жапа чеккен Нью-Йоркто унаалар суу астында калып, метро станцияларын суу каптады.

Шейшембиде нөшөрлөп жааган жамгыр аймактагы аэропорттордун, автожолдордун жана темир жол каттамдарынын ишин үзгүлтүккө учуратты.

Нью-Йорк шаарынын мэри Эрик Адамс билдиргендей, Манхэттендеги Борбордук паркта бир сааттын ичинде 5 сантиметрден ашык жаан жаады. Бул көрсөткүч, жаан-чачындын көлөмүн эсептей баштагандан берки бир сааттык аралыкта катталган экинчи эң жогорку көрсөткүч болду.

Жарыяланган сүрөттөрдө Манхэттендин батыш тарабындагы бир метро станциясы менен бирге дүйшөмбү күнү кечинде көп сандаган метро  станциясынын суу астында калганы көрүнүүдө.

Жетекчилер метро системасы кыска мөөнөттө жааган катуу жаандан улам иштебе калганын билдиришти.

Нью  -  Йорк экологияны коргоо мекемесинин комиссары Рохит Аггарвала шаардын эскирип калган канализация системасынын саатына  4,44 сантиметр жамгырды көтөрө алганын бирок бороон учурунда жамгырдын көлөмү саатына 10 сантиметрге жеткенин билдирди.

Мэр Адамс мынчалык жаан-чачынды мурда көрбөгөнүн билдирди. Нью- Жерси штатынын губернатору Фил Мерфи штатта өзгөчө кырдаал жарыялап, Плейнфилдде унааларын суу агызып кеткен эки кишинин каза болгонун жарыялады. Жабырлануучулар суу астында калган унаадан табылган.

Кээ бир аймактарда 2,5 сааттан аз убакытта 15,25 сантиметр жамгыр жааса, кээ бир жерлерде биринчи жолу сел болгондугу билдирилди.