Израиль шейшемби күнү Ирандын Хатам ал-Анбия борбордук штабынын башчылыгына дайындалган командир Али Шадманини өлтүргөнүн жарыялады.

Шадмани бул кызматка бир нече күн мурун Ирандын диний лидери Аятулла Али Хаменей тарабынан дайындалган.

Израиль армиясы Х эсебинен берген билдирүүсүндө : «Чалгындоо директорлугу алган так чалгындоо жана түнкү сааттарда ортого чыккан күтүлбөгөн мүмкүнчүлүктөн кийин аба күчтөрүнө таандык аскердик учактар Тегерандын борборундагы штабга  чабуул жасады жана согуштук башкы штабдын  төрагасы, жогорку мартабалуу аскердик командир Али Шамданини өлтүрдү»,- деп айтылды.

Шадманинин милдеттеринин арасында согуштук операцияларды көзөмөлдөө, ракеталык жана учкучсуз учактар менен чабуул жасоого уруксат берүү жана Ирандын Израилге каршы аскердик стратегиясын түзүү болгон.

Шамдани бул кызматты өткөн жумада Израиль жасаган кол салууда каза болгон генерал-лейтенант Гуламали Рашидден өткөрүп алган.

Израиль армиясы : «Шамданинин жок кылынышы Ирандын жогорку мартабалуу аскердик командирлигин бута алган бир нече операциянын бир бөлүгү жана Иран куралдуу күчтөрүнүн командирлик чынжырына сокку урду»,- деп билдирди.

Израилдик жетекчилер операция тууралуу  кенен маалымат берген жок, Тегеран да Шамданинин өлүмү тууралуу маалымат берген жок.