Коммуникация башкармалыгы тарабынан бул жылы бешинчиси өткөрүлгөн Эл аралык стратегиялык коммуникация саммитинин (STRATCOM 2026) алкагында башкармалык менен Азербайжан Республикасынын Медиа өнүктүрүү агенттигинин ортосунда «Түркия Республикасынын Президенттигинин коммуникация башкармалыгы менен Азербайжан Республикасынын Медианы өнүктүрүү агенттигинин ортосундагы Түркия-Азербайжан биргелешкен медиа платформасынын алкагында биргелешкен жумушчу комиссиясын жана комитеттерди түзүү жөнүндө өз ара түшүнүшүү меморандумуна" кол коюлду.
Меморандумга президенттиктин коммуникация башкармалыгынын башчысы, профессор доктор Бурханеттин Дуран менен Азербайжан Республикасынын Медиа өнүктүрүү агенттигинин башчысы Ахмед Исмаилов кол койду.
Түркия-Азербайжан биргелешкен медиа платформасынын алкагында биргелешкен жумушчу комиссиясын жана комитеттерди түзүү боюнча өз ара түшүнүшүү меморандуму Түркия менен Азербайжандын ортосундагы санариптик жана социалдык медиа, аудиовизуалдык медиа, стратегиялык коммуникация жана кризистик кырдаалдарды башкаруу тармагында учурдагы кызматташтыкты өнүктүрүүнү карайт.
Бул өз ара түшүнүшүү меморандуму менен тараптар Түркия-Азербайжан биргелешкен медиа платформасынын алкагында биргелешкен жумушчу комиссиясын жана туруктуу комитеттерди түзүүгө макул болушту.
Түркия-Азербайжан биргелешкен медиа платформасы 2020-жылдын 10-декабрында президент Режеп Таййип Эрдогандын Азербайжанга болгон сапары учурунда кол коюлган "Түркия менен Азербайжандын ортосундагы медиа тармагындагы стратегиялык кызматташтык боюнча өз ара түшүнүшүү меморандумунун" алкагында түзүлгөн. Платформа эки өлкөнүн медиасынын ортосундагы интеграцияны чыңдоого, коомчулукту так маалымат менен камсыз кылууга жана дезинформацияга каршы биргелешкен күрөш жүргүзүүгө багытталган.
