Судан менен Түштүк Судандын ортосундагы талаштуу Абией аймагындагы базарга жасалган дрондук соккудан 153 адам каза болду.
Абией администрациясынын убактылуу маалымат министри Йоханна Акол Нгор шаардын түндүгүндөгү Амиет базары дрондор менен бутага алынып, жакын жердеги күйүүчү май кампасына да тийгенин билдирди.
Нгор кол салуудан кийин чыккан өрт дагы деле уланып жатканын айтты.
Кол салуудан 153 адамдын көз жумганын маалымдаган Нгор, каза болгондордун саны көбөйүшү мүмкүн экенин кошумчалады.
Бириккен Улуттар Уюмунун (БУУ) Башкы катчысы кол салууну айыптап, аялдар жана балдарды кошо алганда көптөгөн жайкын тургундар каза болуп, жаракат алганын кабарлады.
Абиейдеги БУУнун Убактылуу Коопсуздук Күчтөрү (UNISFA) жаракат алгандарды эвакуациялоо жана өрттү көзөмөлдөө үчүн аймакка медициналык топторду жана чукул жардам бөлүктөрүн жөнөткөнү маалымдалды.
Мунайга бай Абией аймагынын статусу Түштүк Судан 2011-жылы көз карандысыздыкка ээ болгондон кийин да чечиле элек.
