Саламаттыкты сактоо уюмдары жана күбөлөрдүн айтымында, Израил күчтөрү Газанын борборундагы бөлүштүрүү борборунун жанында тамак-аш жардамын күтүп жаткан жарандарга ок атты. Окуяда кеминде 15 палестиналык каза болуп, ондогон адам жаракат алды.
Анадолу агенттигине маалымат берген саламаттыкты сактоо булактарынын билдиришинче, кол салуу ишемби күнү АКШ-Израиль жардам бөлүштүрүүчү борборлорго жакын жайгашкан Нетзарим коридорунун жанында чогулган элге ок атуу менен болгон.
Окуяга күбө болгондор Израилдин аскердик унаалары менен учкучсуз учактары жардам күткөн элге туш келди ок аткандыгын билдиришти.
Бул окуя Газа тилкесинде гуманитардык жардам алууга аракет кылган палестиналыктарды өлүмгө алып келген кол салууларына дагы бирин кошту.
Газанын Саламаттыкты сактоо министрлиги акыркы 48 саатта Газада 90 палестиналыктын каза болгонун, 605 жаралануунун ооруканаларга жеткирилгенин жарыялады.
Израилдин 2023-жылдын 7-октябрынан бери уланып жаткан кол салууларында каза болгондордун саны 55 миң 297ге, жаракат алгандардын саны 128 миң 426га жеткени билдирилди.
2025-жылдын 18-мартында тараптардын ортосунда ок атышпоо бузулгандан бери 5 миң 14 адам каза болуп, 16 миң 385 киши жаракат алган.
