Cаламаттыкты сактооо министри Кемал Мемишоглу социалдык медиа эсебинен жарыялаган билдирүүсүндө Сирияга жасаган сапарында кесиптеши доктор Мусааб Наззал Алали менен Түркия Республикасынын Саламаттыкты сактоо министрлиги менен Сирия Араб Республикасынын саламаттыкты сактоо министрлигинин арасында саламаттыкты сактоо жана медициналык илимдер тармактарында кызматташуу боюнча өз ара түшүнүшүү меморандумуна кол коюлганын белгиледи.

Министр Мемишоглу төмөнкүлөрдү белгиледи: "Келишимдин алкагында саламаттыкты сактоо системаларын, айрыкча коомдук саламаттыкты сактоо, жугуштуу ооруларга каршы күрөшүү жана эне менен баланын ден соолугун чыңдоо; фармацевтика, медициналык каражаттар, вакциналарды иштеп чыгуу жана медициналык биотехнология тармагындагы маалымат жана техникалык тажрыйба алмашуу; кырсыктарды жана өзгөчө кырдаалдарды башкаруу; саламаттыкты сактоо боюнча маалымат системалары жана саламаттыкты сактоо туризмин өнүктүрүү тармагын бекемдөө боюнча макулдашылды. Келишимибиздин Сирия менен саламаттыкты сактоо тармагындагы кызматташтыгыбыздын мындан ары өнүгүшүнө өбөлгө түзөрүнө ишенем жана мунун өлкөлөрүбүз үчүн пайдалуу болушун каалайм".