Коопсуздук булактарынын маалыматына караганда, Улуттук Чалгындоо Уюмунун (MIT) иликтөөсүнүн натыйжасында ДЕАШ террордук уюмунун мүчөсү, «Абдуллах» деген каймана ат менен белгилүү Угур Бахадырдын Түркиядан Афганистан -Пакистан аймагына өткөнүн аныкталды.

Афганистан -Пакистан аймагында ДЕАШ террордук уюмунун бир нече лагеринде ар кандай милдеттерди аткарганы аныкталган Бахадырга каршы операция башталды.

Операция учурунда кармалып, Түркияга алып келинген Бахадыр алгачкы көрсөтмөсүндө Түркиядан Афганистан -Пакистан аймагына ДЕАШ мүчөлөрүн өткөрүүнү уюштурган «Абу Ясир Аль Турки» деген каймана аттуу Өзгүр Алтун менен байланышы, ДЕАШ террордук уюмунун курамындагы машыгуулар, уюмдун атынан ага жүктөлгөн тапшырмалар жана ДЕАШтын Афганистан-Пакистан аймагындагы уюштуруучулук ишмердүүлүгү тууралуу маалымат берди.

Террорист Бахадырдын 2024 -жылы Түркиядан Афганистан-Пакистан аймагына өтүп террордук уюм ДЕАШка кошулганы белгилүү болду.

Бахадырды террордук уюмга тарткан түрк тектүү адам 2025-жылдын башында кармалган «Абу Ясир Аль Турки» деген каймана аттуу Өзгүр Алтун экени аныкталды. Ошондой эле Алтундун Түркиядан Афганистан-Пакистан аймагына уюмдун мүчөлөрүн өткөрүүдө активдүү роль ойногону белгилүү болду.

Мындан тышкары, Бахадырдын 2026-жылдын башында кармалган, ДЕАШ террордук уюмунун жалган маалымат каражаттары бөлүмүндө иштеген «Абу Убайда» же «Абу Ибрахим» деген каймана аттар менен белгилүү Ахмет Казанжы менен Афганистан-Пакистан аймагында чогуу аракет кылганы аныкталды.

Улуттук Чалгындоо Уюмунун (MİT) жүргүзгөн иш-аракеттеринин натыйжасында ДЕАШ террордук уюмунун Түркияга каршы кол салууларды пландаштыруу аракеттерине бөгөт коюлду.