Президент Режеп Таййип Эрдоган, Азербайжандын президенти Илхам Алиев менен телефон аркылуу сүйлөштү. Түркия Республикасынын президенттигинен ишемби күнү жарыяланган билдирүүгө караганда телефондогу сүйлөшүүдө эки өлкөнүн ортосундагы эки тараптуу карым-катнаштар менен бирге аймактык жана глобалдык өнүгүүлөр талкууланды.
Анда Эрдоган Түркия менен Азербайжандын эки тараптуу карым-катнаштарын бардык тармакта өнүктүрүүнү уланта турганын билдирди. Эрдоган ошондой эле Түркиянын Түштүк Кавказда туруктуу тынчтык орнотуу аракеттерин колдой турганын кайталады.
Эрдоган «Террорсуз Түркия» максаты менен башталган процесске да токтолуп, бул процесстин аймактагы террордук уюмдардын жок кылынышына салым кошо турганын айтты. Эрдоган бул процесстин ийгиликтүү аякташынын аймактык коопсуздукту дагы да бекемдей турганын баса белгиледи.
Алиев болсо «Террордон арылган Түркия» максаты менен башталган процессте Түркиянын ийгилигинин маанисине басым жасады. Процесстин жүрүшүнө канааттангандыгын билдирген Алиев бул процесс ийгиликтүү аяктап, максатына жетет деген ишенимин билдирди.
